Rom 8 | WSK | STEP | Buta se, ana arikaya Jesus Kristus ilak bagasan, mu nanga kilek memek koma me tanakko. Mena.

Romans 8

Ana Korang Bur ko ikia la karo tunakko

1 Buta se, ana arikaya Jesus Kristus ilak bagasan, mu nanga kilek memek koma me tanakko. Mena. 2 Ana nanga kilek memek bowa ningi dungan kariimet iwita bagaman, ale ko koma kuenak ale sarenga namanakko. Bare Jesus Kristus nanga bataguru tam ale Korang Bur te marak sokel nangaram.

3 Kaem ko Law Den mu nanga sangukko me terong, mu awuk, ana memek beteman se kilek memek umutang mu den mu ko sokel menawuram. ^{▼▼Rom 8:3 Law Den mu nanga sangukko me terong: Acts 13:38-39; Heb 7:18-19.} Bare mel den mu bitirukko me terong mu Kaem kota beteram: Nu ko Kuriang suwanta beteram se kari ko aratam, ana ali imi ko kariimet, memek karogo, wore nanga turan ko aratam. Se anananga memek suen la ko koma Kaem kari suwanta umutang te kutuwu saparam ale kilek memek ko sokel menawuram.

/ Bare mel den mu bitirukko me terong mu Kaem kota beteram. Ana ali imi ko kariimet, memek karogo. Se nu ko Kuriang suwanta beteram se anananga turan kari ko aratam, se anananga memek suen la ko koma Kaem kari suwanta umutang te kutuwu saparam ale kilek memek ko sokel menawuram.

4 Umutang te, munan ningo diram noko Law Den te ko baluwoso mu ana awiriya ali imi ko ikia munan memek memek me karo tusan, Korang Bur karo tusan, wore nanga dugu kaora se nanga bagara aolak te aratukko. ^{▼▼Rom 8:4-6 Korang Bur ko sokel te munan ningo ningo nanga bagara aolak te aratukko: Gal 5:16,22-25; 6:8.}

5 Awiriya ali imi ko ikia munan memek memek karo tusan, mu nononga ikia mel umutang ko la aniso. Se marak ningo nongote mena. Mu nuna nama sarenga namomonko. Bare awiriya Korang Bur karo tusan, mu nononga ikia mu Bur ko ikia mu la ko aniso. Se nuna marak ningo se lila mu nongote aniso.

7 Kariimet ali imi ko ikia munan memek memek karo tusan, mu nuna Kaem ilak barimasan ale nongota nunga ikia la karo tusan. Nuna Kaem ko munan bowa ningi me namasan, ale nuna Kaem kuring karo tumonko me terong. 8 Kariimet ali imi ko ikia munan karo tusan, mu nuna mel betemon se Kaem nunga amilmilurukko mu betemonko me terong.

9 Bare nina mu ali imi ko ikia munan memek memek me karo tusan. / Bare nina mu ikia memek nengemang te aniso mu me karo tusan. Mu awuk, Kaem ko Korang Bur nenenga nengemang ningi aniso, se nina nu karo tusan. Bare awiriya Kristus ko Bur nunga nongomang ningi mena, mu nuna Kristus ko kariimet mena. 10 Nina kilek memek beteman mu ko koma nina kueralko. Bare Kristus ninga nengemang ningi bagoso umutang mu, Kaem kariimet ningo diram ko ninga balam, se Kaem ko marak sokel mu nengete aniso. 11 Nina ningimik guang sumu karogo kueralko. Bare Kaem Kristus mumam se barasam wore ko Korang Bur ninga nengemang ningi aniso umutang mu, Kaem nu te ninga ningimik guang umutang marak sokel tuokko.

12 Buta se aga singsang, ana ikia memek nangamang te aniso mu me karo tunakko! / ali imi ko ikia munan memek memek me karo tunakko! Ana Korang Bur la diram karo tunakko! 13 E nina ikia memek (nengemang te aniso mu) karo tual, / E nina ali imi ko ikia munan memek memek karo tual, mu nina sarenga namaralko. Bare nina Korang Bur ko sokel te ikia munan memek nengemang te aniso umutang menawural, mu nina tom suen biya marak bagaralko. ^{▼▼Rom 8:13 Ikia munan memek nangamang te aniso mu menawunakko: Gal 6:8; Col 3:5-10.}

14 Mu awuk, awiriya Kaem ko Korang Bur nunga diruwuso umutang nuna Kaem ko kuriang bagasan. 15 Nina aitak kilek memek ko ura dungan iwita mena. Ale nina aitak me nguangasan. Mu awuk, Kaem ko Korang Bur ningaram se nina nu te ninimi ikisan nina Kaem ko kuriang masan, ale te arusan, “O Ba! O Ba!” masan. 16 Korang Bur anananga nangamang motam ningi ikia nangarso, ale balso ana Kaem ko kuriang ma balso. 17 Mu nunguningta, ana Kaem ko kuriang bagasan. Buta se ana mel suen biya nu ko Namar Jesus Kristus tuokko balam, mu ana karogotala ginakko. Bare ana girinak Kristus ikup yaman tam turan ikup yaman tanak bare asele ko nikitang biya mu te ilak wete baganakko. ^{▼▼Rom 8:14-17 Ana Kaem ko kuriang bagasan: Gal 4:6-7. Se ana me nguangasan: 2 Tim 1:7; Heb 2:15; 1 John 4:18.}

Udagi te bagara yawara nikitang ago mu te baganakko

18 Ani ikisam ikup yaman aitakta tom imi te ana giwasan imi mu mel gotektir iwita, mu nikinang te baganakko udagi taiwoso mu ilak me terong. 19 Tom udagi te Kaem ana ko kuriang alo wetang te nanga awurokko. Se mel suen biya nu duap te nungam se anisan mu tom mu ko ninguru tala kimi bita se anisan. ^{▼▼Rom 8:18-19 Kaem ana ko kuriang alo wetang te nanga awurokko: 2 Cor 4:17; Col 3:4; 1 Peter 1:7,13.} 20 Tom imi te mel suen biya maga sapara ko munan bowa ningi bagasan. Nunga nongomang te buta mena, bare Adam memek beteram se Kaem ali mel maguwuram. Se umutang ko, mel suen biya mu Kaem baluk se akingtala nungemonko mu ko ninguru kimi betesan. 21 Aitak mel suen biya maga namomonko ko munan bowa ningi anisan. Bare Kaem kota munan mu menawurok ale mel suen biya nungok se yawarakala ana Kaem ko kuriang nangarak bagomonko. ^{▼▼Rom 8:20-21 Mel suen biya maga sapasan: Gen 3:17-19. Kaem mel suen la nungokko: Acts 3:20-21; Rev 21:1.}

22 Ana ikisan, duap te tai aitak, mel suen biya Kaem beteram mu yaman kuakasan ale niakasan, imet kuriang iluwokko yaman moso se niaso iwitatala. 23 Se umu la mena. Ana Korang Bur taman mu te ikiman, udagi Kaem ana nogo ko yawarakala bitirukko. Se ana betelatala nangamang ningi nia se, Kaem nanga sanguk ale nanga nangimik guang iru awurok ale noko kuriang ko nanga awurokko kimi bita se bagasan. ^{▼▼Rom 8:23 Ana Kaem nanga nangimik guang iru awurokko kimi bita se bagasan: 2 Cor 5:2-4.} 24 Kaem nanga sangaru tam, se ana tom yawara umutang aratukko ko kimi bita se bagasan. E tom mu maingkala tai aratam ale mu, ana me ko kimi betesan ale. Nina ikisan, kari maingkala mel tam, mu nu taukko me ko kimi beteso. 25 Bare ana tom yawara mu me aratoso, aitak, se ko namatam loagawasan. Ale nangamang ningi nunguning aora biya ko kimi bita se bagasan.

26 Bare Korang Bur betela, ana nosokel mena bagasan, bare nu nanga sangarso. Mu awuk, ana aguwaya Kaem aru ngatangornakko bare ninguru me ko ikisan. Ale nangamang ningi la niasan, bare aguwaya balnakko mena. Bare munan umutang te Korang Bur nanga sangukko ngatangoso. ^{▼▼Rom 8:26 Korang Bur ko sokel te ngatanganakko: Eph 6:18.} 27 Se Kaem, nu nanga nangamang motam ariwoso, mu nu Korang Bur ko ikia mu ko ikiso. Mu awuk, Korang Bur Kaem ko ikia karo tuso ale ana ko kariimet nago ko ngatangoso.

28 Kaem kota ko ikia te nanga auram ale nanga giam. Se ana ikisan, mel suen biya aratoso mu te Kaem ura te beteso ale ana kariimet noko kuesan mu te nanga sangarso. 29 Mu awuk, awiriya Kaem maingkala noko kuriang ko nunga balu beteram, mu nu agotala balam, nuna noko Namar turan ko bagomonko, se Namar umutang mu kuriang suen biya mu nunga ningi nunga laun nunguning bagurukko balam. 30 Se awiriya Kaem nunga balam, mu nu agotala nunga auram. Ale awiriya nu nunga auram, mu nu agotala kariimet ningo diram ko nunga balam. Ale awiriya nu kariimet ningo diram ko nunga balam, mu nu agotala ko bagara ningo nikinang karogo mu nungaram. ^{▼▼Rom 8:28-30 Kaem mel suen biya bitaruwoso: Eph 1:4-5,11. Nu kariimet nunga aruso nunga giso: John 6:44; 15:16.}

Ana Kaem ko gomang nangaram mu te sokel ago bagasan

31 Se ana imi ko awuk balnak? Kaem ana nangarak, se awiri nangarak kagerurukko? Mena. 32 Nu ko Kuriang suwanta mu ana nangarukko me guramam, nu yam beteram se ana nago ko kueram. Se nu mel suen la me nangaruk i? Mena. Mu nangarukkowo!

33 Se awiri ana kariimet Kaem noko ma nanga balam mu den te nanga atumokko? Mena tala. Mu Kaem kota ana kariimet ningo diram ko nanga balam!

34 Ale awiri baluk se ana nanga memek koma ikup tanak a? Mena. Jesus Kristus nanga memek ko kueram. Bare mu la mena. Nu aking barasam ale Kaem ko kuting sengam mu te baga se ana nago ko ngatanga se bagoso!

35 Se awiri ana Kristus ko gomang motam nangaruwoso mu ningi nanga giok ale kigilik nanga awurokko? Ikup yaman agi, nanga bita maguwumon agi, karak agi, nangimik mel mena te agi, mel daong agi, gatu kager e? 36 Mu Kaem ko batoga bo te iwita aniso:

“Ana nika kariimet ko bagasan, se tom suen biya nanga mosan se kuawasan.
Ana nangarkasan mu sipsip nunga momon se kuemonko lage te bagasan mu iwita nangarkasan.” ^{▼▼Rom 8:35-36 Psalm 44:22. Kaem ko kariimet ikup gisan: 2 Cor 4:7-10.}
37 Bare mena. Mel suen biya imi ningi mu Kari ko gomang nangaram mu nanga sangarso se ana am sokel ago la namawasan! 38 Mu ani ninguru ikisam, kuera te agi marak bagara te agi, engel bibiya agi bur memek memek agi, aitakta ko mel aniso imi te agi, mel o udagi taiwoso mu te agi, sokel duap duap te agi, kualala ko mel agi aliti ko mel, o mel suen la Kaem beteram mu ningi ta, bo Kaem ko gomang motam nanga Biya Jesus Kristus te nangaruwoso mu ningi nanga bataguru kigilik nanga awurokko me terong.

39